Ndodh ajo që shumëkush e konsideronte të pabesueshme. "Vllaznia B" nga kategoria e tretë në të cilën luajti një sezon më parë, sezonin e ardhshëm ajo do të luajë në kategorinë e parë të futbollit shqiptar. Pavarësisht problemeve që iu krijuan rrugës, kuqeblutë e trajnerit Ervis Kraja, ia dolën të triumfojnë edhe ndaj një Sopoti me shumë emra të cilët janë të njohur edhe për Superligën. Pavarësisht se me 11-metërsha, ky mbetet një sukses i madh i këtij ekipi.

Ka mundur 3-1 në ndeshjen direkte rivalin e saj kryesor- Partizanin dhe Vllaznia U-19 është shpallur Kampione e Grupit A. Gjithçka ka ndodhur pas ndeshjes së sotme të luajtur në Pezë-Helmes të kryeqytetit në një përballje shumë përcaktuese. Kuqebluve të trajnerit Elvin Beqiri u mjaftonte edhe barazimi për të ruajtur vendin e parë por në fakt ata kanë fituar. Diçka e shkëlqyer kur ke parasysh se sot skuadrës i mungon tre prej lojtarëve të saj më të rëndësishëm, mbrojtësi Isufi për arsye kartonash dhe Miloti e Pusi që ishin grumbulluar me ekipin B.

Kuqeblutë kanë zhvilluar një ndeshje për t'u harruar ndaj Laçit duke u mundur me rezultatin 0-3. Takimi nuk është ngjitur asnjëherë në lartësinë e duhur për ekipin tonë i cili hasi në shumë vështirësi përballë kundërshtarit që ishte shumë i motivuar. Pjesa e parë përgjithësisht ka qenë e ekuilibruar por në '44 ka një 11-metërsh të dhënë nga arbitri Sokoli në favor të vendasve dhe nga pika e bardhë, Vucaj ka kaluar në avantazh ekipin e Laçit.